亞視集會反對發新電視牌——深思ATV香港良心

熱血鬧完之後認真一諗，原來我都幾贊成亞視示威話"唔好發新牌"。

亞視員工同高層有時真系幾"香港良心"…
諗深一層，亞視的所作所為都是為香港人好。表面上你睇佢系曲，其實系直。

我地睇下亞視的訴求：



一，反對政府再發放新免費電視牌照

二，亞視執行董事盛品儒和基本法委員會委員劉迺強上台發言時均指出，發放牌照只會造成業內惡性競爭，導致節目質素下降。

三，公司執行董事盛品儒批評現時傳媒良莠不齊

四，指發牌將會是「災難」的開始，認為會令香港台灣化及政治化。




其實先不理第一條（雖然是個前題不過後話），

節目質素下降，發新牌只會做成業內惡性競爭。

亞視的節目，我都唔多講，大家睇呢篇

蘋果日報《亞視狂重播　紀錄你又想破》

亞視一直致力說保持節目質素（不停重播，一定無下降啦）

基本靠買韓劇來播…一個電視台無演員咁既樣…如果再有一間有實力的電視台加入，亞視只能靠炒晒D藝人來買劇，藝人無工開，所謂的惡性競爭就是不停向外買劇不求自製創新？




有錢就能開台。如果發新牌，亞視只有自己做D新節目出來迎擊對手，以目前的亞視做出來的節目來睇，內容質素每況愈下。




傳媒良莠不齊和香港台灣化及政治化，傳媒本身應該減少自己政治立場對節目內容的影響（其實傳媒本身是監督政府的工具，不應該有政治立場才對路）但你地睇下亞視A_A我諗我咩都唔洗講…大家都明。




另外台灣化是指用繁體字，手上有票選首長，人人有言論，政治自由？那我對香港台灣化求之不得。




睇埋第一條，反對政府再發放新免費電視牌照。有D心水清的朋友或者已經有答案。


嘛，其實也不是啥偉大或者複雜的方案。

「港府收回亞視之牌照並轉讓給其他新公司」

可以不發新牌（舊牌轉手），良性競爭，節目質素上升（點做都好過亞視啦），亞視無災難（不再財赤），又保著言論自由，編輯自主，大受香港人歡迎。

睇番亞視的行為，不約而同地也符合這個方案。


亞視在自己電視台直播集會，充斥排拒其他競爭者口號，違反《廣播條例》第13條的禁止反競爭行為條文。畫公仔畫到出腸，擺明唔想做落去啦。


亞視又迫員工出席集會。（我諗無員工會想自己間公司執掛？）


其實有更多跡象我就不提了…總之今次…亞視！我撐你！

快點執左佢讓個牌出來啦hihi亞視。